الجلاصي للمشيشي: ”أي واحد عندو همّة يخرج من البيسين ينشف حالتو ويستقيل..”

تونس – السفير

هاجم القيادي بحزب التيار الديمقراطي محمد العربي الجلاصي، رئيس الحكومة هشام المشيشي، وذلك بعد الأنباء التي راجت حول تمضية المشيشي وعدد من الوزراء، لنهاية الأسبوع، بأحد نزل مدينة الحمامات

واعتبر الجلاصي، في تدوينة على الفايسبوك، أن المشيشي “اخترع” اجتماعا لخلية الأزمة بوزارة الصحة للتغطية به على ذهابه للحمامات

كما تابع: ” اي حد عندو شوية همة يخرج من البيسين، ينشف حالتو، يلبس مريولو ويعتذر ويستقيل. طبعا المشيشي لقى حل ما خير : خرج من البيسين، نشف حالتو، لبس مريولو وقصد ربي لتونس وخرجلنا في الإعلام إنو باش يشرف الليلة (حاليا !) على اجتماع خلية الأزمة حول الأكسيجين. ” 

التدوينة كاملة:

المشيشي زيد شوية واسألو…موش تفضح رئيسة حكومة تصريف الأعمال وتونس الكل سمعت الي هو راكش في الحمامات وقتلي التوانسة يا محبوسة في ديارها يا حابس عليها النفس بسبب نقص الأكسيجين في المستشفيات ؟ اي حد عندو شوية همة يخرج من البيسين، ينشف حالتو، يلبس مريولو ويعتذر ويستقيل. طبعا المشيشي لقى حل ما خير : خرج من البيسين، نشف حالتو، لبس مريولو وقصد ربي لتونس وخرجلنا في الإعلام إنو باش يشرف الليلة (حاليا !) على اجتماع خلية الأزمة حول الأكسيجين.طبعا كلامو لا يستقيم منطقيا. خاطر الأزمة عندها قريب أسبوع وخاطر المستشفيات من العشية جاتها توجيهات بحسن استعمال الأكسيجين تحسبا لنقص التزويد غدا الأحد 18 جويلية، يعني الي حاجتو في النواح يبداه من الصباح ويعمل خلية أزمة اليوم بكري والا قبل بأيامات.كلامو لا يستقيم منطقيا لكن فمة برشة مستعدين يصدقوا، أمور انضباط حزامي وكذا… وبما إنو كان موش من عماهم ما نعيشوش معاهم، فات الفريق الاتصالي لرئيس حكومة تصريف الأعمال انو يثبت منشورات وزارة الصحة. فحسب الصفحة الرسمية لوزارة الصحة، خلية الازمة اجتمعت اليوم في القايلة وقتلي المشيشي يتشخلع في البيسين (هذي حكاية البيسين من عندي الحق، ما جاتش في بلاغ وزارة الصحة). بعبارة أخرى،المشيشي ما حضرش الاجتماع وقتلي مازال فمة حاجة تنجم تتعمل وتو اخترع اجتماع بالذمة باش يغطي بيه على محواسة الحمامات.