سفيان بن حميدة: لا أستغرب تصريحات مايا حول الحفرة.. وقاعة التشريفات كلها حفر ودخل منها الإرهابيون والمجرمون والأموال..

تونس – السفير

سفيان بن حميدة.. سألوه تعرف العلم قاللهم نزيد فيه..

أكد سفيان بن حميدة كرونيكوز برنامج في 90 دقيقة على إي اف أم، اليوم الخميس 22 ديسمبر 2022، أنه لم يستغرب من تصريح مايا القصوري حول ثقب قاعة التشريفات بمطار تونس قرطاج..

وقال بن حميدة:” من بداية الثمانينات على السور متاع المطار متاع سكرة، كانت فما حفرة كنا قبل نسمويهم الزوفرة، يدخلو للمطار بش يسرقو الفاليجات، شنوة وقتها أهم حاجة البانان والتفاح الكبير متاع تركيا والدخان والعطور من فاليجات المسافرين، وقتها ما فماش كاميروات، أنا ما استغربش من الحكاية كيف سمعتها من عند مايا، لأنو الإسلاميين ما عندهمش القدرة على الاستنباط ياخذو حاجة موجودة وهاذي حاجة موجودة ومعروفة، قاعة التشريفات قرداشة متاع جبن، الكلها نقب نقب، دخلوا منها الفلوس والمجرمة والإرهابيين، القاعة هاذيكا بوغاز، دخل منها القاعة، أحمد بن عمر الحازمي، هذا أكبر مجرم في المجرمين متاع الإرهابيين متاع داعش دخل من قاعة التشريفات هاذيكا وحوس في تونس، قاعة التشريفات استعملوها بوغاز دخلوا منو المجرمين والإرهابيين والفلوس والدعداع راهو منهم، بالكش تابعني أنا وتابع الايكبب ناسيونال متاع درا شنوة، لا من حركة النهضة، الدعداع قال أنا نمشي مع معاذ نجيب فلوس وأنا ندخلهم”…